სააგნარიშო პერიოდის მანძილზე 2017წ. იანვრიდან - 2017წ. სექტემბრის ჩათვლით ორ ახალ უნივერსიტეტთან  ურთიერთთანამშრომლობის მემორანდუმი გაფორმდა, კერძოდ, კავკასიის საერთაშორისო უნივერსიტეტთან და სოხუმის სახელმწიფო უნივერსიტეტთან. ამჟამად ორგანიზაცია თანამშრომლობს რვა უნივერსიტეტთან, აქედან უმაღლესი სასწავლებლებიდან პრაქტიკა გაიარა 161-მა სტუდენტმა. პრაქტიკული კურსის განმავლობაში მაგისტრმა პრაქტიკანტებმა შეიძინეს შემდეგი სახის უნარ-ჩვევები:

1. კლიენტთან ინტერვიუს ჩატარების ტექნიკა;
2. სამართლებრივი დასკვნის შედგენა;
3. კონსულტაციის გაწევა;
4. სამართლებრივი დოკუმენტის შედგენა (განცხადება/სარჩელი/საჩივარი და სხვ.);
5. სასამართლო პროცესზე წარმომადგენლობის განხორციელება (პირველი ინსტანციის სასამართლოში) და პროცესის ანალიზის შედგენა.

საკვლევი პერიოდის მანძილზე იურიდიული კონსულტაციისთვის მომართა 12,225 ფიზიკურმა პირმა, მათ შორის:

2016 წლის შესაბამისი საანგარიშო პერიოდის განმავლობაში სამართლებრივი დახმარების მიზნით მომმართვიანობამ შეადგინა 10,573, შესაბამისად 2017 წლის მესამე კვარტლის მომმართველთა საერთო რაოდენობა გაზრდილია 1,652-ით (ზრდა 15,62%). 

„იურიდიულ კლინიკის“ ცხელ ხაზზე სამართლებრივი დახმარების მიზნით საანგარიშო პერიოდის განმავლობაში განხორციელდა 7,682 ზარი. აქედან ზეპირი სამართლებრივი კონსულტაცია გაეწია 4,041 მოქალაქეს.

ხოლო დაწყებული სასამართლო და ადმინისტრაციული წარმოებებიდან (სულ 2,056 საქმე), წარმატებით დასრულდა 640და მიმდინარეა 1,118 საქმე, საიდანაც 2017 წლის მესამეკვარტალს ეკუთვნის 380 საპროცესო და ადმინისტრაციული საქმე. აღნიშნულ საქმეეებზე განხორციელდა 126წარმომადგენლობა.