საერთაშორისო გამჭვირვალობა - საქართველო

აღწერა:

"საერთაშორისო გამჭვირვალობა – საქართველო" 2000 წლის 7 მაისს დაარსდა, როგორც ადგილობრივი არასამთავრობო ორგანიზაცია, რომლის მიზანია გამჭვირვალობისა და ანგარიშვალდებულების ხელშეწყობით საქართველოში კორუფციის წინააღმდეგ ბრძოლა.
საერთაშორისო გამჭვირვალობა ავრცელებს ცოდნას კორუფციის მავნე შედეგების შესახებ, ახორციელებს პოლიტიკის რეფორმის ადვოკატირებას, მუშაობს მრავალმხრივი კონვენციების იმპლემენტაციის კუთხით და კონტროლს უწევს მთავრობების, კორპორაციებისა და ბანკების მიერ მათ შესრულებას. ეროვნულ დონეზე საერთაშორისო გამჭვირვალობის ეროვნული ბიუროები ემსახურებიან ანგარიშვალდებულებისა და გამჭვირვალობის გაზრდას, ახდენენ ქვეყანაში არსებული მთავარი ინსტიტუტების მონიტორინგს და კორუფციის აღმოსაფხვრელად საჭირო რეფორმებს ადვოკატირებენ. ორგანიზაციის მთავარი პრონციპია არ მიემხროს არც ერთ პოლიტიკურ ძალას.
„საერთაშორისო გამჭვირვალობა-საქართველოს" სამართლებრივი დახმარების ცენტრის იურისტები მოქალაქეებს აწვდიან უფასო იურიდიულ კონსულტაციებს, უზრუნველყოფენ სხვა და სხვა სახის დოკუმენტების მომზადებასა და საჭიროების შემთხვევაში წარმოადგენენ მათ სასამართლოში. იურიდიული დახმარება ხორციელდება საკუთრების უფლებასთან და საჯარო მოსამსახურეთა შრომის უფლებებთან დაკავშირებულ საკითხებზე.
იურიდიული დახმარების მიღება შესაძლებელია, როგორც რეგიონულ, ასევე თბილისის ოფისებში ვიზიტით, ელექტრონული მეილის და ცხელ ხაზზე დარეკვის მეშვეობით.

ვებ-გვერდი:

http://www.transparency.ge/ge

FACEBOOK გვერდი:

https://www.facebook.com/tigeorgia/

კონსულტაციის ენები:

ფილიალები