ქ.თბილისის მუნიციპალიტეტის მერიის არასამეწარმეო (არაკომერციული) იურიდიული პირი თბილისელების ადვოკატი, 2009 წელის თებერვალში ჩამოყალიბდა. 2015 წელს რეორგანიზაციის შედეგად "თბილისელების ადვოკატი" ა(ა)იპ-ი "სამართლებრივი დახმარებისა და საზოგადოებრივი ჩართულობის მუნიციპალური ცენტრი" გახდა, რომლის მთავარ ღირებულებას საზოგადოებაში ადამიანის უფლებების დაცვა და სამართლებრივი ცოდნის გარღმავება წარმოადგენს.
"სამართლებრივი დახმარებისა და საზოგადოებრივი ჩართულობის მუნიციპალური ცენტრი" სამოქალაქო-ადმინისტრაციული და სამეწარმეო-საგადასახადო პრობლემური საკითხების გადაჭრაზეა ორიენტირებულია. ორგანიზაცია ახორციელებს მოქალაქეთა უფლებების დაცვასთან დაკავშირებულ უფასო სამართლებრივ საქმიანობას, რომლის მთავარი მიზანია მოქალაქეებისათვის სამართლებრივი კონსულტაციის გაწევა და დახმარება, საზოგადოებაში სამართლებრივი განათლების დონის ამაღლებისთვის საჭირო ღონისძიებების განხორციელება, მოქალაქეთა სამართლებრივი ინტერესების დაცვა სასამართლო, სახელმწიფო და თვითმმართველობის ორგანოებში.
ა(ა)იპ-ის ერთ-ერთ მასშტაბურ პროექტს იურიდიული კლინიკა - „ჩემი ადვოკატი“ წარმოადგენს, რომელიც მოქალაქეებს, ასევე მცირე და საშუალო ბიზნესის წარმომადგენლებს უფასო სამართლებრივ დახმარებას უწევს. "ჩემი ადვოკატის" ფარგლებში იურიდიული ფაკულტეტის დამამთავრებელი კურსის სტუდენტებისა და დამწყები იურისტების საადვოკატო-პრაქტიკული უნარ-ჩვევების განვითარებაში უწყობს ხელს. იგი ორიენტირებულია გადაამზადოს და აუმაღლოს კვალიფიკაცია იურიდიულ სფეროში მომუშავე პირებს.
"ჩემი ადვოკატი" საქართველოს მოქალაქეების სამსახურშია.
https://www.facebook.com/chemiadvokati/